*Alfred*: Ai, wo bleibste denn nu alls?! Guck der doch mo mei Sache o! Die sin von dem scheiß Reesche scho babschnass und todal babbisch geworn! Und des nua weil isch widda auf disch wadde musst!

*Hilde*: Jo, do haste aach recht. Isch bin alsemol e bissi lahmaschig… Aba bei dem Suddelwetter hier musste jo aach achdbasse, dass de net abschmierst!

*Alfred*: Des is mer worschtegal, obs jez reejnt oder net! Isch will wisse warum du widda zu spät bist, du aald Hinkel! Isch bin nemmlisch bald am verdorschde!

*Hilde*: Musst jo net gleich äbsch wedde! Isch musst hald noch de Abbelkuche ausm Ofe duu. Kann isch jo aach nix mache!

*Alfred*: Mhmm

*Hilde*: Es dud mer jo aach laad.Jez fang doch net imma so n Zores o! Hier haste n Guutsje un dann is es widda gut, gell?

*Alfred*: Isch bin doch net daan klaan Bagasch, dem de n Guutsje zustecke kannst un dann is alls widda gut!

*Hilde*: Weeschemir kann isch mich aach entschuldige, wenn de dann zufriede bist! Aba wenn du jez net mo hinne machst, dann is unser Wertschaft bald zu! Dann kannste daan Wortschtbrot dahaam in dich nin stopfe!

*Alfred*: Wer kommtn immer zu spät, du blöd Giftnickel! Isch doch net! Und mer dann vorhalte, isch soll hinne mache! Dodefeer köönt isch jo glatt was o mich griesche!

*Hilde*: Babbel doch koa Blesch!

*Alfred geht*

*Hilde*: Wo dabbschden hie?

*Alfred*: I hon koan Bock mehr uff disch! Ich geh jez zum Willi!

*Hilde*: Das kannste doch net mache! Dodebei hab isch der doch extra noch en baa Blümmelscher geplückt, weil doch heut unser Hochzeitsdooch is!

zurück

• Der Mundart-Minidrama-Wettbewerb
  
• Einsendungen zum Mundart-Wettbewerb